អន្តរជាតិ៖ នាយករដ្ឋមន្ត្រីអង់គ្លេស លោក Boris Johnson មានប្រសាសន៍ថា សញ្ញាទាំងអស់បង្ហាញថា ផែនការរបស់រុស្ស៊ីបានចាប់ផ្ដើមរួចជាស្រេចហើយ ហើយគ្រប់គ្នាអាចមើលឃើញយ៉ាងច្បាស់ថា ស្ថានភាពនៅពេលនេះ គឺ អាចជាសង្រ្គាមដ៏ធំបំផុតនៅក្នុងទ្វីបអឺរ៉ុបដែលមានធ្លាប់មានចាប់តាំងពីឆ្នាំ១៩៤៥ មក។

នាយករដ្ឋមន្ត្រីអង់គ្លេសលោក Boris Johnson បាននិយាយកាលពីថ្ងៃសៅរ៍ទីប្រទេសរុស្ស៊ីកំពុងរៀបចំផែនការអ្វីដែលអាចជា "សង្រ្គាមដ៏ធំបំផុតនៅអឺរ៉ុបចាប់តាំងពីឆ្នាំ ១៩៤៥ ។

លោក ចនសុន បាននិយាយដែរថា នឹងមានការដាក់ទណ្ឌកម្មលើរុស្សី ក្នុងករណីមានការលុកលុយ លើអ៊ុយក្រែនមែននោះ។

នាយករដ្ឋមន្ត្រីរបស់ចក្រភពអង់គ្លេសក៏បានលើកឡើងផងដែរថា សហរដ្ឋអាមេរិក និងអង់គ្លេសនឹងស្វែងរកការកាត់ផ្តាច់សិទ្ធិចូលប្រើប្រាស់របស់ក្រុមហ៊ុនរុស្ស៊ីចំពោះប្រាក់ដុល្លារអាមេរិក និងប្រាក់ផោនរបស់អង់គ្លេស ប្រសិនបើវិមានក្រឹមឡាំងបញ្ជាឱ្យមានការឈ្លានពានអ៊ុយក្រែន៕